சிவாஜிலிங்கத்தின் பூதவுடலுக்கு தொல். திருமாவளவன் நேரில் அஞ்சலி!

மறைந்த முன்னாள் பாராளுமன்ற உறுப்பினரும், வல்வெட்டித்துறை நகரசபையின் தலைவருமான எம்.கே. சிவாஜிலிங்கத்தின் உடலுக்கு விடுதலைச் சிறுத்தைகள் கட்சியின் தலைவரும் இந்திய பாராளுமன்ற உறுப்பினருமான தொல்காப்பியன் திருமாவளவன் நேரில் சென்று அஞ்சலி செலுத்தியுள்ளார்.

 

 

வல்வெட்டித்துறையில் பொதுமக்களின் அஞ்சலிக்காக வைக்கப்பட்டுள்ள சிவாஜிலிங்கத்தின் பூதவுடலுக்கு அவர் மலர்மாலை அணிவித்து தனது இறுதி அஞ்சலியைச் செலுத்தியதுடன், அன்னாரின் குடும்பத்தினருக்கும் உறவினர்களுக்கும் தனது ஆழ்ந்த இரங்கலையும் தெரிவித்தார்.

 

 

உடல்நலக் குறைவு காரணமாகத் தனது 69ஆவது வயதில் காலமான எம்.கே. சிவாஜிலிங்கத்தின் இறுதிக் கிரியை இன்று (16) நடைபெறவுள்ளது.

 

 

வல்வெட்டித்துறை, நெடியகாட்டில் அமைந்துள்ள அவரது இல்லத்தில் அஞ்சலிக்காக வைக்கப்பட்டுள்ள அன்னாரின் உடல், இன்று மதியம் வல்வெட்டித்துறை சந்தியில் பொதுமக்களின் அஞ்சலிக்காகவும் வைக்கப்பட்டுள்ளது.

 

 

அதனைத் தொடர்ந்து, வல்வெட்டித்துறை ஊறணி இந்து மயானத்திற்குப் பூதவுடல் ஊர்வலமாக எடுத்துச் செல்லப்பட்டு தகனம் செய்யப்படவுள்ளதாக அறிவிக்கப்பட்டுள்ளது.

 

 

நீண்ட காலமாகச் சிறுநீரக செயலிழப்பு உள்ளிட்ட உடல்நலக் குறைவுகளால் பாதிக்கப்பட்டு சிகிச்சைப் பெற்று வந்த அவர், கடந்த 14ஆம் திகதி இரவு தனது இல்லத்தில் காலமானார்.

 

 

வடமராட்சி வல்வெட்டித்துறையைப் பிறப்பிடமாகக் கொண்ட எம்.கே. சிவாஜிலிங்கம், தமிழீழ விடுதலை இயக்கத்தின் (TELO) போராளியாகத் தனது அரசியல் பயணத்தைத் தொடங்கி, தமிழ்த்தேசியக் கூட்டமைப்பின் (TNA) சார்பில் 2001 மற்றும் 2004 ஆம் ஆண்டுகளில் யாழ்ப்பாண மாவட்ட பாராளுமன்ற உறுப்பினராகத் தேர்ந்தெடுக்கப்பட்டார்.

 

 

அதனைத் தொடர்ந்து வடக்கு மாகாண சபை உறுப்பினராகவும், கடந்த ஆண்டு முதல் வல்வெட்டித்துறை நகரசபையின் தலைவராகவும் மக்கள் சேவையாற்றி வந்தார்.

 

 

தமிழ் மக்களின் அரசியல் உரிமைக்காக ஜனநாயக வழியில் சமரசமின்றிக் குரல் கொடுத்து வந்த அவரது திடீர் மறைவு, தமிழ் தேசிய அரசியல் வட்டாரத்திலும் அவரது சொந்த ஊரான வல்வெட்டித்துறை மக்களிடையேயும் பெரும் சோகத்தை ஏற்படுத்தியுள்ளது.

 

 

அவரது இறுதி நிகழ்வுகளில் பங்கேற்க அரசியல் தலைவர்கள், பிரமுகர்கள் மற்றும் சமூக ஆர்வலர்கள் பலரும் திரண்டு வருகின்றமை குறிப்பிடத்தக்கது

LEAVE A REPLY

Please enter your comment!
Please enter your name here

More like this

விமல் வீரவங்சவுக்கு மேன்முறையீட்டு நீதிமன்றம் மீண்டும் அழைப்பு

நீதிமன்ற அவமதிப்புக் குற்றச்சாட்டு தொடர்பாக கொழும்பு பிரதான நீதவான் நீதிமன்றத்தால் முன்வைக்கப்பட்டுள்ள முறைப்பாடு தொடர்பில் கருத்துத் தெரிவிப்பதற்காக, முன்னாள் அமைச்சர் விமல் வீரவங்சவை...

கொழும்பு மத்திய பாடசாலைகளுக்கு நவீன தொழில்நுட்ப உபகரணங்கள் பாராளுமன்ற உறுப்பினர் பைஸர்...

  கொழும்பு மத்திய பிரதேசத்தில் உள்ள 35 பாடசாலைகளுக்கு ரூ. 8.2 மில்லியன் பெறுமதியான நவீன தொழில்நுட்ப உபகரணங்கள் வழங்கும் நிகழ்வு, கொழும்பு பிரதேச...