சிறிய தனியார் வைத்தியசாலைகள் : கவனிக்கப்படாத துறையா?

சிறிய மற்றும் நடுத்தர (SME) தனியார் மருத்துவமனைகள் இலங்கையின் சுகாதாரத் துறையில் முக்கிய பங்கு வகிக்கின்றன. நாட்டில் பதிவு செய்யப்பட்ட 250 தனியார் மருத்துவமனைகளில் 90% க்கும் மேற்பட்டவை சிறிய மற்றும் நடுதத்தர மருத்துவமனைகளாகும். இந்த மருத்துவமனைகள் வெளிநோயாளர் பிரிவு சிகிச்சையின் 60% ஐ பூர்த்தி செய்கின்றன, சுகாதாரத் துறையில் வேலை வாய்ப்புகளை வழங்குகின்றன, மேலும் முக்கியமாக, தரமான சுகாதாரத்துக்கான பரந்த அணுகலை உறுதி செய்கின்றன.

COVID-19 தொற்றுநோயை நாடு எதிர்த்துப் போராடுகையில், பெரும்பாலான SME மருத்துவமனைகள் தனிப்பட்ட விதமாக பல்வேறு இடையூறுகளை எதிர்கொள்கின்றன, அவை மக்கள் வருகையின் வீழ்ச்சி மற்றும் தொற்றுநோயால் ஏற்பட்டுள்ள அதிகான செலவுகளும் ஏற்படுகின்றன. இது பண நெருக்கடிக்கு வழிவகுத்துள்ளது, சில வழங்குநர்கள் தங்கள் வர்த்தகங்களை அளவிடு செய்வதற்கும் கட்டாயப்படுத்தப்பட்டுள்ளனர்.

கொவிட்-19 தொற்றுநோயின் போது SMEகளின் பங்கு

மேல் மாகாணத்தில் தொற்றுநோயால் மிக அதிகமானோர் பாதிக்கப்பட்டதனால் ‘வெஸ்டர்ன் ஹாஸ்பிடல்’ போன்ற பல SME மருத்துவமனைகள் தொற்றுநோயால் அதிகரித்து வரும் செலவுகளின் தாக்கத்தை உணர்ந்திருக்கின்றன.

தொற்றுநோய் ஆரம்பமாகியதிலிருந்து எங்கள் மருத்துவமனையில் 40%ஆல் மக்களின் வருகையில் வீழ்ச்சியைக் கண்டோம். நாங்கள் மாதத்திற்கு 2000 நோயாளிகளைப் பராமரிப்போம், அவர்களில் சிலர் வழக்கமான சிறுநீரக டயாலிசிஸ் சிகிச்சையை நம்பியிருக்கிறார்கள்,” என மேல் மாகாண மருத்துவமனையின் தலைமை நிர்வாக அதிகாரி ஒமர் ஷெரிப் தெரிவித்தார்.

COVID-19 பாதுகாப்பு நெறிமுறைகள் மற்றும் வழிகாட்டுதல்களைப் பின்பற்றுகையில், மருத்துவமனை அதன் பல வார்ட்டுகள் மற்றும் நர்சிங் விடுதிகளை தொற்றாளர்களை தனிமைப்படுத்தும் பிரிவுகளாக மாற்றியுள்ளது.

எங்கள் ஊழியர்களிக் பாதுகாப்பை உறுதி செய்ய நாங்கள் முன்னெச்சரிக்கை நடவடிக்கைகளை எடுத்துள்ளோம், ஆனால் இதற்கு அதிகம் செலவு செய்ய வேண்டியிருந்தது. எங்கள் ஊழியர்களும் முன் நின்று செயற்படுவதால் அரசாங்கம் SME களுக்கு சலுகை விகிதத்தில் PPE வழங்கும் வடிவத்தில் ஆதரவை வழங்குவதன் மூலமும், தனியார் மருத்துவமனைகளில் இருந்து COVID-19 தொற்றாளர்களை அரசு சிகிச்சை மையங்களுக்கு கொண்டு செல்ல உதவுவதன் மூலமும் உதவிகளை செய்ய முடியும்.”

நிதி உதவி மற்றும் திறமையான ஊழியர்களின் பற்றாக்குறை

அவிசாவளையிலுள்ள கோமஸ் தனியார் மருத்துவமனை, பல SME மருத்துவமனைகளைப் போலவே, கொவிட் தொற்றுநோய் காலத்தின் போது மருத்துவ உபகரணங்களில் அதிக முதலீடுகளைச் சமாளித்தல் மற்றும் திறமையான ஊழியர்களைக் கண்டுபிடிப்பதில் சிரமம், போன்ற இரண்டு முக்கிய பிரச்சினைகளையும் எதிர்கொள்கிறது. இப்பகுதியில் முன்னோடி தனியார் சுகாதார மருத்துவமனையாக, குறைந்த பட்சம் 30-40% பேர் கோமஸ் மருத்துவமனையிலிருந்து மருத்துவ சிகிச்சை சேவைகளைப் பெறுகின்றனர்.

“மக்கள் தனியார் மருத்துவமனைகள் என்று கூறும்போது, அவர்கள் எப்போதும் சில பெரிய மருத்துவமனைகளைப் போலவே பார்ப்பார்கள். எவ்வாறாயினும், தனியார் சுகாதாரத் துறையின் பெரும்பாலான பகுதி SME மருத்துவமனைகளைக் கொண்டுள்ளது, மேலும் தேசிய சுகாதார கட்டமைப்பிற்கு நாங்கள் அளிக்கும் ஆதரவு பாராட்டப்படாமல் போகிறது” என கோமஸ் மருத்துவமனையின் நிர்வாகப் பணிப்பாளரும் பணிப்பாளருமான டொக்டர் சந்தமாலி வீரசிங்க சுட்டிக்காட்டினார்.

பொது-தனியார் கூட்டு என்பது முன்னேற்றத்திற்கான ஒரு வழி

தென் மாகாணத்திலுள்ள காலியில், ருஹுனு மருத்துவமனையும் தொற்றுநோயால் பல சவால்களை எதிர்கொள்கிறது. எவ்வாறாயினும், ருஹுனு மருத்துவமனையின் இணை- பிரதம நிறைவேற்று அதிகாரி ரவீன் விக்ரமசிங்க, SME மருத்துவமனைகளின் எதிர்காலம் குறித்து தாம் நம்பிக்கையுடன் இருப்பதாகக் குறிப்பிட்டார், சுகாதாரத் துறையில் SMEகளின் திறனைப் பயன்படுத்துவதற்கான சிறந்த வழி தேசிய மற்றும் தனியார் சுகாதாரத்துறைகளுக்கு இடையிலான பொது-தனியார் கூட்டு முயற்சியின் (பிபிபிக்கள்) மூலம் மாத்திரமே என கூறினார்.

எங்களைப் போன்ற மருத்துவமனைகள் வளங்களைக் வளங்களை சிறந்த விதத்தில் பயன்படுத்தப்படாத பல சந்தர்ப்பங்கள் உள்ளன. ஆனால் பொது மருத்துவமனைகள் முழுத் திறனுடன் இயங்கும்போது எங்கள் சில வளங்களை சலுகை விகிதத்தில் வழங்க அரசாங்கத்துடன் இணைந்து பணியாற்றக்கூடிய ஒரு வழிமுறை இருந்தால், இது பொது சுகாதாரத் துறையின் சுமையை குறைக்க மற்றொரு வழியாகும்.”

சரியான மனநிலையைக் கண்டறிதல்

ஒரு பாரம்பரிய தனியார் சுகாதார நிறுவனத்திற்கு சற்று மாறுபட்ட விதத்தில் இயங்கும் குருணாகலில் உள்ள கூட்டுறவு மருத்துவமனையின் முறைகள் சற்று வித்தியாசமாக உள்ளது. குருநேகலா கூட்டுறவு மருத்துவமனையின் தலைவர் ஜெயபத்ம வன்னிநாயக்க கூறுகையில், ஒரு கூட்டுறவு மருத்துவமனையாக இருப்பதால், குருணாகலில் வாழும் மக்களுக்கு குறிப்பாக மாவட்டத்தின் கிராமப்புறங்களில் வசிப்பவர்களுக்கு மலிவு விலையில் சிகிச்சை அளிப்பதே இதன் முக்கிய நோக்கமாகும்.

இலங்கையில் தற்போது 12 கூட்டுறவு மருத்துவமனைகள் உள்ளன, அவை உறுப்பினர்களை அடிப்படையாகக் கொண்ட வணிக மாதிரியைப் பின்பற்றுகின்றன; எனவே, தனியார் சுகாதார சேவையில் சிகிச்சைகளைப் பெற்றுக் கொள்ள முடியாதவர்களின் நலனுக்காக நாங்கள் ஒரு கூட்டாக செயல்படுகிறோம். நாங்கள் பல மருத்துவ ஆய்வகங்களை நிறுவியுள்ளோம் மற்றும் அணுக கடினமான பகுதிகளில் மொபைல் கிளினிக் சேவைகளை வழங்குகிறோம்.”

இந்த மாதிரியின் மூலம் இப்பகுதியில் உள்ள மக்களுக்கு, குறிப்பாக நர்சிங் மற்றும் ஆய்வக தொழில்நுட்ப வல்லுநர்களாக பல வேலை வாய்ப்புகள் உருவாக்கப்பட்டுள்ளன என்று வன்னிநாயக்க குறிப்பிட்டார்.

சிறு மற்றும் நடுத்தர தனியார் மருத்துவமனைகளை பராமரித்தல்

இலங்கை வர்த்தக சம்மேளனத்தின் (CCC) சிரேஷ்ட உதவி பொதுச் செயலாளர் சந்திரரத்ன விதானகே கூறுகையில், மொத்த வேலைவாய்ப்புகளில் 45% SMEக்கள் பங்களிப்பு செய்தாலும், இது தொற்றுநோயால் கடுமையாக பாதிக்கப்பட்டுள்ள துறைகளில் ஒன்றாகும் என தெரிவித்தார்.

னர்த்தகங்களின் வருவாய் வெவ்வேறு துறைகளில் வீழ்ச்சியடைவதை நாங்கள் கண்டாலும், மிகக் கடுமையான தாக்கத்தை SME துறையால் உணரப்பட்டது. கடந்த ஆண்டு தொழிலாளர் திணைக்களத்தால் 3,000க்கும் மேற்பட்ட வர்த்தகங்கள் பற்றிய ஒரு ஆய்வில், 53%க்கும் மேற்பட்ட SME செயல்பாடுகள் முற்றிலுமாக நிறுத்தப்பட்டிருப்பதைக் கண்டறிந்தது, அதே நேரத்தில் 5%க்கும் குறைவானவர்கள் முழுத் திறனில் இயங்குகிறார்கள், மீதமுள்ளவை திறனின் கீழ் இயங்குகின்றன,” என விதானகே சுட்டிக்காட்டினார்.

இந்த முக்கியமான காலகட்டம் நாட்டின் பொருளாதார மீட்சிக்கு முக்கியத்துவம் வாய்ந்த பொது-தனியார் கூட்டு முயற்சியை ஊக்குவிப்பதற்கான ஒரு சரியான தருணமாக பார்க்கப்பட வேண்டும் என்றும் அவர் கூறினார்.