ஒருநாள் சர்வதேச கிரிக்கெட் போட்டிகளில் மிகவேகமாக 13,000 ஓட்டங்களை பெற்ற வீரர் என்ற சாதனையை இந்திய அணியின் விராட் கோலி பெடைத்துள்ளார்.
இவர் 267 ஒருநாள் போட்டிகளில் இவ்வாறு 13,000 ஓட்டங்களை பெற்றுள்ளார்.
இதற்கமைய, ஒருநாள் சர்வதேச கிரிக்கெட் போட்டிகளில் 13,000 ஓட்டங்களை கடந்த 5ஆவது வீரர் என்ற சாதனையையும் விராட் கோலி தமதாக்கிக்கொண்டார்.
இதுவரை காலமும், இந்திய அணியின் முன்னாள் துடுப்பாட்ட வீரரான சச்சின் டெண்டுல்கர் இந்த சாதனையில் முதலிடத்தில் இருந்தார்.
இவர் 321 போட்டிகளில் 13,000 ஓட்டங்களை பெற்றிருந்தார்.
எனினும், இன்றைய போட்டியில் விராட் கோலி 122 ஓட்டங்களை பெற்று 13,000 ஓட்டங்களை கடந்ததன் மூலம் 13,000 ஓட்டங்களை வேகமாக பெற்ற முதல் வீரர் என்ற சாதனையை தனதாக்கிக்கொண்டார்.
விராட் கோலி இதுவரை ஒருநாள் சர்வதேச கிரிக்கெட் போட்டிகளில் 47 சதங்களையும், 65 அரைச்சதங்களையும் பெற்றுள்ளார்.
நாட்டு நடப்புகளை உங்கள் கைபேசியில் பெற்றுக்கொள்ள நியூஸ் தமிழ் WHATSAPP இல் இணையுங்கள் JOIN NOW
