ஞாயிற்றுக்கிழமை இலங்கை வந்த முன்னாள் நிதியமைச்சர் பசில் ராஜபக்ஷவுக்கு பாதுகாப்பு வழங்க அரச புலனாய்வு சேவைகள் (SIS) தீர்மானித்திருந்தாக வெகுஜன ஊடக இராஜாங்க அமைச்சர் சாந்த பண்டார இன்று தெரிவித்தார்.
நாடாளுமன்றத்தில் குறித்த விடயம் தொடர்பாக பேசிய இராஜாங்க அமைச்சர், எந்தவொரு தனிநபருக்கும் அவர்கள் பாராளுமன்ற உறுப்பினராக இருந்தாலும் இல்லாவிட்டாலும் அவர்களுக்கு பாதுகாப்பு வழங்குவது குறித்து SIS தீர்மானிக்கிறது என்றார்.
ஜனாதிபதி ரணில் விக்கிரமசிங்க நாடாமன்ற உறுப்பினர் இல்லாத போது அவருக்கும் இதற்கு முன்னரும் இவ்வாறான பாதுகாப்பு வழங்கப்பட்டிருந்தது, இது SIS எடுத்த தீர்மானம் என இராஜாங்க அமைச்சர் சாந்த பண்டார சுட்டிக்காட்டினார்.
பசில் ராஜபக்ச தற்போதைய அரசாங்கத்தின் ஆளும் கட்சியின் தேசிய அமைப்பாளர். எனவே, அத்தகைய நபருக்குத் தேவையான பாதுகாப்பை வழங்குவது பாதுகாப்புப் பிரிவினரின் பொறுப்பாகும் என்றார்.
பசில் ராஜபக்சவின் குடும்ப உறவுகள் மற்றும் அவருக்கு எதிரான பல்வேறு எதிர்ப்புகள் காரணமாக அவர் இலங்கை வந்ததைத் தொடர்ந்து கட்டுநாயக்க விமான நிலையத்திலிருந்து வெளியேற அவருக்கு பொலிஸ் பாதுகாப்பு வழங்கப்பட்டதாக இலங்கை காவல்துறை தெரிவித்ததாக செய்தித்தாள் தெரிவித்துள்ளது.