பிரதமர் தினேஷ் குணவர்தனவின் தொடர்ச்சியான ஆதரவு இலங்கை ஈரானிய இருதரப்பு உறவுகளை மேம்படுத்த உதவியது என தூதுவர் ஹஷேம் அஷ்ஜசாதே தெரிவித்துள்ளார்.
இருதரப்பு நட்புறவு மற்றும் அபிவிருத்தி ஒத்துழைப்பை மேம்படுத்துவதற்கு தனது இராஜதந்திர பதவிக்காலத்தில் தொடர்ந்து ஆதரவு வழங்கியமைக்காக பிரதமர் தினேஷ் குணவர்தனவுக்கு தனது நன்றியை தெரிவித்துக் கொள்வதாக பதவி விலகும் தூதுவர் ஹஷேம் அஷ்ஜசாதே தெரிவித்துள்ளார்.
நேற்று 18.09.2023 பிரதமரிடம் விடைபெற்ற தூதுவர், கோவிட் தொற்றுநோய் மற்றும் உலகளாவிய பொருளாதார நெருக்கடியின் சவாலான காலகட்டத்தில் வெளியுறவு அமைச்சராக இருந்த தற்போதைய பிரதமர் வழங்கிய ஆதரவைப் பாராட்டுவதாக நினைவு கூர்ந்தார்.
கடினமான மற்றும் சவாலான காலகட்டத்தில் ஈரானுக்கும் இலங்கைக்கும் இடையிலான நட்புறவையும் ஒத்துழைப்பையும் மேம்படுத்துவதற்கு தூதுவர் ஹஷேம் அஷ்ஜசாதே மேற்கொண்ட முயற்சிகளுக்கு பிரதமர் நன்றி தெரிவித்தார்.
இலங்கைக்கு உதவ தூதுவரின் சிறப்பான முயற்சிகள் மற்றும் இலங்கையின் நலனுக்காக ஈரான் மேற்கொண்டுள்ள முக்கிய கூட்டு முயற்சிகளை மூடுவதை உறுதி செய்ய அவர் மேற்கொண்ட இடைவிடாத முயற்சிகளை பிரதமர் பாராட்டினார்.
இக் கூட்டத்தில் அமைச்சர் நசீர் அஹமட், இராஜாங்க அமைச்சர் ஷசீந்திர ராஜபக்ஷ, நாடாளுமன்ற உறுப்பினர் சுதர்சன் தெனிபிட்டிய, பிரதமரின் செயலாளர் அனுர திஸாநாயக்க, ஈரான் தூதரகத்தின் பொருளாதார மற்றும் தூதரகத் துறைத் தலைவர் கே. சோஹில் கலந்து கொண்டார்.
நாட்டு நடப்புகளை உங்கள் கைபேசியில் பெற்றுக்கொள்ள நியூஸ் தமிழ் WHATSAPP இல் இணையுங்கள் JOIN NOW
