முக்கோண தொடரின் இறுதிப் போட்டியில் இன்று இலங்கை – பாகிஸ்தான் மோதல்!

முக்கோண ஒருநாள் கிரிக்கெட் தொடரின் இறுதிப் போட்டி, போட்டியை நடத்தும் பாகிஸ்தான் மற்றும் இலங்கை அணிகளுக்கு இடையே இன்று (31) நடைபெறுகிறது.

 

 

 

இந்தப் போட்டி இன்று பிற்பகல் 1.30 மணிக்கு ஆரம்பமாகவுள்ளது.

 

 

 

இங்கிலாந்து, பாகிஸ்தான் மற்றும் இலங்கை ஆகிய அணிகளின் பங்கேற்புடன் நடைபெற்ற இந்த முக்கோண ஒருநாள் தொடரின் ஆரம்பச் சுற்றில் 4 போட்டிகளில் விளையாடிய பாகிஸ்தான் அணி, அதில் 3 போட்டிகளில் வெற்றி பெற்று புள்ளிப் பட்டியலில் முதலிடத்தைப் பிடித்து முன்கூட்டியே இறுதிப் போட்டிக்குத் தகுதி பெற்றது.

 

 

 

சமீபகாலமாகத் தொடர் தோல்விகளைச் சந்தித்து வந்த இலங்கை அணி, இந்த முக்கோணத் தொடரில் மீண்டும் எழுச்சி பெற்று, வெற்றித் தாகத்தில் இருந்த இலங்கை ரசிகர்களுக்கு மறக்க முடியாத சில வெற்றிகளைப் பரிசளித்தது.

 

 

 

இலங்கை அணி ஆரம்பச் சுற்றில் 4 போட்டிகளில் விளையாடி 2 போட்டிகளில் வெற்றி பெற்று, இங்கிலாந்து அணியின் கனவைத் தகர்த்து முன்கூட்டியே இறுதிப் போட்டிக்குத் தகுதி பெற்றது.

 

 

 

இன்று இறுதிப் போட்டி நடைபெறும் லாகூர் மைதானம் இலங்கை அணிக்குச் சாதகமான ஒரு மைதானமாகக் கருதப்படுகிறது.

 

 

இலங்கை அணி இதுவரை இந்த மைதானத்தில் விளையாடிய 16 ஒருநாள் போட்டிகளில் 11 போட்டிகளில் வெற்றியடைந்துள்ளது.

 

 

இறுதியாக லாகூர் மைதானத்தில் இலங்கை அணி விளையாடிய 7 ஒருநாள் போட்டிகளில் 6 போட்டிகளில் வெற்றி பெற்றிருந்தமையும் ஒரு சிறப்பு அம்சமாகும்.

LEAVE A REPLY

Please enter your comment!
Please enter your name here

More like this

இலங்கைக்கு எதிரான டெஸ்ட்: ஐந்தாம் நாள் ஆட்டத்தில் பாகிஸ்தான் தடுமாற்றம்!

ராவல்பிண்டியில் நடைபெற்று வரும் இலங்கை மற்றும் பாகிஸ்தான் அணிகளுக்கு இடையிலான முதலாவது டெஸ்ட் கிரிக்கெட் போட்டியின் ஐந்தாம் நாள் ஆட்டத்தில், பாகிஸ்தான் அணி...

இலங்கை முதலாம் இன்னிங்ஸில் 446 ஓட்டங்கள்

பாகிஸ்தானுக்கு எதிரான முதலாவது டெஸ்ட் போட்டியில் இலங்கை தமது முதலாம் இனிங்ஸில் 446 ஓட்டங்களுக்குள் சகல விக்கெட்டுக்களையும் இழந்துள்ளது.     போட்டியில் நேற்றைய மூன்றாம் நாள்...