இந்த மாதம் 9ம் திகதி அனுராதபுரம் நகரில் ஶ்ரீலங்கா பொதுஜன முன்னணி தனது முதலாவது தேர்தல் பிரச்சாரக் கூட்டத்தை நடாத்தும் என நிதி அமைச்சர் பசில் ராஜபக்ச தெரிவித்துள்ளார்.
எந்தவொரு நேரத்திலும் தேர்தல்களை எதிர்நோக்க தாமும், தமது கட்சியான ஶ்ரீலங்கா பொதுஜன முன்னணியும் தயார் என தெரிவித்துள்ளார்.
“விரைவில் தேர்தல் ஒன்றை நடாத்துவதே கட்சியின் நோக்கமாகும்.அரசியல் அமைப்பின் பிரகாரம் ஜனாதிபதி அல்லது நாடாளுமன்றத் தேர்தலை வெகு விரைவில் நடாத்த முடியாது” எனவும் அவர் சுட்டிக்காட்டியுள்ளார்.
மாகாணசபைத் தேர்தலை நடாத்துவதிலும் பல்வேறு சிக்கல்கள் எழுந்துள்ள நிலையில், உள்ளுராட்சி மன்றத் தேர்தல்களையே விரைவில் நடாத்த முடியும் என அவர் குறிப்பிட்டுள்ளார்.
பொதுஜன முன்னணியின் மகளிர் அணிகளை வலுப்படுத்தும் திட்டங்கள் எதிர்வரும் வார இறுதியில் ஆரம்பிக்கப்பட உள்ளதாகவும் நிதி அமைச்சர் பசில் ராஜபக்ச தெரிவித்துள்ளார்.
