இலங்கை மற்றும் இங்கிலாந்து அணிகளுக்கு இடையிலான முதலாவது ஒருநாள் சர்வதேச கிரிக்கெட் போட்டி இன்று நடைபெற்றது.
இப்போட்டியில் நாணயச் சுழற்சியில் வெற்றி பெற்ற இலங்கை அணி, முதலில் துடுப்பெடுத்தாடுவதற்கு தீர்மானித்தது.
அதன்படி இலங்கை அணி நிர்ணயிக்கப்பட்ட 50 ஓவர்கள் நிறையில் 6 விக்கெட்டுக்களை இழந்து 271 ஓட்டங்களை பெற்றது.
இலங்கை அணி சார்பாக அதிகப்படியாக குசல் மென்டிஸ் 117 பந்துகளுக்கு 93 ஓட்டங்களையும், ஜனித் லியனகே 53 பந்துகளுக்கு 46 ஓட்டங்களையும் பெற்றுக் கொடுத்தனர்.
இதன்படி 272 ஓட்டங்கள் என்ற வெற்றியிலக்கை நோக்கி துடுப்பெடுத்தாடிய இங்கிலாந்து அணி 49.2 ஓவர்கள் நிறைவில் சகல விக்கெட்டுகளையும் இழந்து 252 ஓட்டங்களை பெற்றுக்கொண்டது.
இங்கிலாந்து அணி சார்பில் அதிகபடியாக பென் டகேட் 76 பந்துகளுக்கு 62 ஓட்டங்களையும், ஜோ ரூட் 90 பந்துகளுக்கு 60 ஓட்டங்களையும் பெற்றுக்கொடுத்தனர்.
அதன்படி,19 ஓட்டங்கள் வித்தியாசத்தில் இலங்கை அணி வெற்றிப்பெற்றது.
