2027 வரவு – செலவுத் திட்டம்: அரச ஊழியர்களுக்கு சம்பள உயர்வு, கொடுப்பனவுகள் அதிகரிப்பு!
2027ஆம் ஆண்டுக்கான வரவு – செலவுத் திட்டத்தின் கீழ் அரச துறை ஊழியர்களுக்கு சம்பள உயர்வு, அதிகரிக்கப்பட்ட கொடுப்பனவுகள் மற்றும் ஓய்வூதியதாரர்களுக்கான மேலதிக நிவாரணங்கள் உள்ளிட்ட பல்வேறு சலுகைகளை அரசாங்கம் முன்மொழிந்துள்ளது.
ஜனாதிபதி அநுர குமார திசாநாயக்க இதனை அறிவித்துள்ளார்.
முக்கிய சலுகைகள்:
🔹 மருத்துவர்கள்: DAT கொடுப்பனவு ரூ.70,000 இலிருந்து ரூ.95,000 ஆக அதிகரிப்பு.
🔹 தாதியர்கள் மற்றும் துணை மருத்துவப் பணியாளர்கள்: விசேட கடமைக்கான கொடுப்பனவு ரூ.6,000 இலிருந்து ரூ.12,000 ஆக இரட்டிப்பு.
🔹 பல்கலைக்கழக விரிவுரையாளர்கள்: மாதாந்த கல்விசார் கொடுப்பனவில் ரூ.25,000 அதிகரிப்பு.
🔹 பொலிஸ் உத்தியோகத்தர்கள்: உணவு மற்றும் தங்குமிடத்திற்கான மேலதிக மாதாந்த கொடுப்பனவாக ரூ.10,000.
🔹 சிறைச்சாலை உத்தியோகத்தர்கள்: இடர் கொடுப்பனவு ரூ.8,000 இலிருந்து ரூ.16,000 ஆக இரட்டிப்பு.
🔹 கிராம உத்தியோகத்தர்கள்: போக்குவரத்துக் கொடுப்பனவு ரூ.1,600 இலிருந்து ரூ.4,000 ஆக அதிகரிப்பு.
🔹 நிறைவேற்று அதிகாரிகள்: தகுதியுடையவர்களுக்கான போக்குவரத்துக் கொடுப்பனவு ரூ.50,000 இலிருந்து ரூ.100,000 ஆக இரட்டிப்பு.
🔹 முப்படையினர்: நாளாந்த உணவுக் கொடுப்பனவுகள் அதிகரிப்பு.
🔹 ஓய்வூதியதாரர்கள்: 2020 முதல் 2024 வரை ஓய்வுபெற்றவர்களுக்கு மாதாந்தம் மேலதிக இடைக்காலக் கொடுப்பனவாக ரூ.2,500 வழங்கப்படவுள்ளது.
மேலும்,
2025ஆம் ஆண்டு அறிமுகப்படுத்தப்பட்ட அரச ஊழியர்களுக்கான சம்பள அதிகரிப்பின் இறுதிக்கட்டத்தை நடைமுறைப்படுத்துவதற்காக ரூ.110 பில்லியன் ஒதுக்கப்பட்டுள்ளது.
பெரும்பாலான கொடுப்பனவு அதிகரிப்புகள் 2027 ஏப்ரல் அல்லது ஜூலை மாதங்களில் நடைமுறைக்கு வரவுள்ளன. சில அதிகரிப்புகள் இரண்டு கட்டங்களாகச் செயல்படுத்தப்பட்டு, எஞ்சிய தொகை 2028ஆம் ஆண்டு வழங்கப்படவுள்ளது.


