யாலபோவ- வெல்லவாய பகுதியில் இடம்பெற்ற வீதி விபத்தில் ஒருவர் உயிரிழந்துள்ளார்.
வெல்லவாய – தணமல்வில வீதியில் இடம்பெற்ற இந்த விபத்தில் குடும்பஸ்தர் ஒருவரே இவ்வாறு உயிரிழந்துள்ளதாக தெரிவிக்கப்படுகின்றது.
தனமல்வில பகுதியை நோக்கிப் பயணித்த சைக்கிள் வலப்பக்க குறுக்கு வீதிக்கு திரும்ப முற்பட்டுள்ளது.
இதன்போது எதிர்த் திசையில் வந்த மோட்டார் சைக்கிளுடன் மோதியதில் விபத்து ஏற்பட்டுள்ளது.
மேலும் உயிரிழந்த நபர் கலமொட ஆர பிரதேசத்தைச் சேர்ந்த 52 வயதான நபர் என்று பொலிஸ் ஊடகப்பிரிவு தெரிவித்துள்ளது.
மோட்டார் சைக்கிளைச் செலுத்திய நபர் வெல்லவாய வைத்தியசாலையில் சேர்க்கப்பட்டுள்ளதுடன், இச்சம்பவம் தொடர்பான மேலதிக விசாரணைகளை பொலிஸார் முன்னெடுத்துள்ளதாக தெரிவிக்கப்படுகின்றது.
