நேற்றிரவு மிரிஹானவில் இடம்பெற்ற மக்கள் போராட்டத்தின் போது கைது செய்யப்பட்ட ஒரு ஊடகவியலாளரும் அவரது மனைவியும் தங்களுக்கு நேர்ந்த துயரம் குறித்துப் பேசினர்.
மிரிஹானவில் உள்ள ஜனாதிபதி கோட்டாபய ராஜபக்ஷவின் தனிப்பட்ட இல்லத்திற்கு முன்பாக முன்னெடுக்கப்பட்ட ஆர்ப்பாட்டத்தில் ஈடுபட்ட 55 பேர் கைது செய்யப்பட்டுள்ளனர்.
எதிர்ப்பாளர்கள் கண்ணீர்ப்புகை மற்றும் தண்ணீர் பீரங்கிகளால் தாக்கப்பட்டனர், அதே நேரத்தில் அரசாங்கம் அதை ‘ஒழுங்கமைக்கப்பட்ட தீவிரவாதிகள்’ என்று முத்திரை குத்தியது.
சம்பவம் தொடர்பாக கைது செய்யப்பட்ட சுதந்திர வீடியோ ஊடகவியலாளர் சுமேதா சஞ்சேவா ஊடகங்களுக்குத் தெரிவித்ததாவது, பொலிசார் கும்பலாகத் தன்னைத் தாக்கியபோது தான் தரையில் விழுந்துவிட்டேன்.
ஏறக்குறைய நான்கைந்து அதிகாரிகள் சீருடையிலும் சிவில் உடையிலும் தன்னைத் தாக்கியதாக சுமேத சஞ்சேவா கூறினார்.
நேற்று இடம்பெற்ற மக்கள் போராட்டத்தில் குறைந்தது ஏழு ஊடகவியலாளர்கள் தாக்கப்பட்டதாக தகவல்கள் தெரிவிக்கின்றன.
இதற்கிடையில், காயமடைந்த போராட்டக்காரர்களுக்கு உதவுவதற்காக அந்த இடத்திற்கு வந்த ராகம வைத்தியசாலையின் சுகாதாரப் பணியாளர் ஒருவரும் தாக்கப்பட்டு கைது செய்யப்பட்டுள்ளார்.
தனது கணவருடன் தொலைபேசி உரையாடலின் போது தனது கணவரும் ஏனைய எதிர்ப்பாளர்களும் பொலிஸாரால் தாக்கப்பட்டதை தான் கேட்டதாக அந்த நபரின் மனைவி ஊடகங்களுக்கு தெரிவித்தார்.
தனது கணவரின் இருப்பிடம் குறித்து விசாரிக்க முற்பட்ட போது பொலிஸ் அதிகாரி ஒருவர் தொலைபேசியில் தன்னை தகாத வார்த்தைகளால் திட்டியதாகவும் அவர் தெரிவித்தார்.
