இன்று காலை தம்புள்ளை – ஹபரணை பிரதான வீதியில் ஹிரிவடுன்ன பிரதேசத்தில் இடம்பெற்ற வாகன விபத்தில் மூவர் காயமடைந்துள்ளனர்.
இரண்டு கனரக வாகனங்கள் நேருக்கு நேர் மோதிக்கொண்டதில் இந்த விபத்து இடம்பெற்றுள்ளது.
இந்த விபத்தில் இரண்டு வாகனங்களும் பலத்த சேதமடைந்துள்ள அதேவேளை, இரு சாரதிகளும், விபத்துக்குள்ளான கனரக வாகனமொன்றில் பயணித்த இராணுவ சிப்பாய் ஒருவரும் காயமடைந்துள்ளனர்.
அவர்கள் அனைவரும் தம்புள்ளை வைத்தியசாலையில் சிகிச்சைக்காக அனுமதிக்கப்பட்டுள்ளனர்.
சம்பவம் தொடர்பில் தம்புள்ளை பொலிஸார் மேலதிக விசாரணைகளை மேற்கொண்டு வருகின்றனர்.
