2.5 கிலோ ஐஸ் போதைப்பொருளுடன் வத்தளையில் ஒருவர் கைது

வத்தளை பிரதேசத்தில் ஐஸ் போதைப் பொருளுடன் சந்தேக நபரொருவர் கைது செய்யப்பட்டுள்ளார்.

பேலியகொடை விசேட குற்ற விசாரணை பிரிவு நேற்று (10) முன்னெடுத்த சுற்றிவளைப்பு நடவடிக்கைகளின்போது, 52 வயதுடைய குறித்த சந்தேக நபரொருவர் கைது செய்யப்பட்டுள்ளார்.

இந்நபரிடமிருந்து 2 கிலோ 500 கிராம் ஐஸ் போதைப்பொருள் பொலிஸாரினால் கைப்பற்றப்பட்டுள்ளது.

வத்தளை பிரதேசத்தைச் சேர்ந்த சந்தேகநபர், நீண்டகாலமாக போதைப் பொருள் வர்த்தகத்தில் ஈடுபட்டு வந்துள்ளதாக விசாரணைகளை முன்னெடுத்து வரும் பொலிஸார் தெரிவித்தனர்.