LPG அற்ற எரிவாயு சிலிண்டர்கள் இலங்கை தரத்திற்கு இணங்குகின்றனவா என்பதை பரிசோதிக்க மட்டுமே இலங்கை தர நிர்ணய நிறுவனத்திற்கு அங்கீகாரம் வழங்கப்பட்டுள்ளது அந்த நிறுவனம் தெரிவித்துள்ளது.
அதன் பணிப்பாளர் நாயகம் கலாநிதி சித்திக்கா ஜீ சேனாரத்ன அறிக்கை ஒன்றை வௌியிட்டு இதனை தெரிவித்துள்ளார்.
அதேபோல், இலங்கை தர நிர்ணய நிறுவனம் அனைத்து தரங்களையும் தன்னார்வ தரங்களாக பிரகடனப்படுத்தியுள்ளதாகவும், எந்தவொரு தரங்களையும் கட்டாயமாக்க அந்த நிறுவனங்களுக்கு அதிகாரம் இல்லை எனவும் அதில் குறிப்பிடப்பட்டுள்ளது.
இதேவேளை, வால்வு, ரெகுலேட்டர்கள் மற்றும் நெகிழ்வான குழாய்களுக்கு வழங்கப்படும் தரநிலைகளுக்கு இணங்குவது கட்டாயமானது எனவும் இதனை கண்காணிப்பது நுகர்வோர் விவகார அதிகாரசபையின் பொறுப்பாகும் என்றும் அந்த அறிக்கையில் கூறப்பட்டுள்ளது.
