இலங்கையின் கொழும்பு ஆர். பிரேமதாச மைதானத்தில் இன்று ( 21) நடைபெறும் 2026 ஐசிசி ஆடவர் டி20 உலகக் கிண்ண ‘சூப்பர் 8’ சுற்றின் முதல் ஆட்டத்தில் பாகிஸ்தான் மற்றும் நியூசிலாந்து அணிகள் பலப்பரீட்சை நடத்துகின்றன.
குரூப் 2-வில் நடைபெறும் இத்தொடரின் 41-வது போட்டியான இதில், நாணய சுழற்சி வென்ற பாகிஸ்தான் அணியின் தலைவர் சல்மான் அலி ஆகா முதலில் துடுப்பெடுத்தாட தீர்மானித்துள்ளார். அதன்படி, மிட்செல் சான்ட்னர் தலைமையிலான நியூசிலாந்து அணி முதலில் பந்துவீசவுள்ளது.
முதல் சுற்றில் இரு அணிகளும் தலா 4 போட்டிகளில் விளையாடி, 3 வெற்றிகளுடன் தத்தமது பிரிவுகளில் இரண்டாம் இடத்தைப் பிடித்து சூப்பர் 8 சுற்றுக்கு முன்னேறியுள்ளன.
அரையிறுதிக்குச் செல்லும் வாய்ப்பை வலுப்படுத்த இரு அணிகளுக்கும் இந்த முதல் சூப்பர் 8 வெற்றி மிகவும் அவசியமானதாகும். இன்று இரவு 7:00 மணிக்கு போட்டி ஆரம்பமாகவுள்ளது
