கொட்டாஞ்சேனை பகுதியில் மாணவியொருவர் தனது உயிரை மாய்த்துக் கொண்ட சம்பவம் தொடர்பான விசாரணை இன்று (15) கொழும்பு நீதவான் நீதிமன்றத்தில் விசாரணைக்கு எடுத்துக்கொள்ளப்பட்டது.
இந்த வழக்கு விசாரணையின் போது கொட்டாஞ்சேனை பொலிஸாரின் வழிகாட்டுதலின் கீழ், கொழும்பு பதில் நீதவான் சம்பத் ஜெயவர்தன முன்னிலையில் சாட்சியங்கள் பதிவு செய்யப்பட்டன.
அதன்படி உயிரிழந்த சிறுமி வசித்த அடுக்குமாடி குடியிருப்பு நிர்வாகத்தலைவரிடமிருந்தும் சிறுமியின் தாயாரிடமிருந்தும் சாட்சியங்கள் பதிவு செய்யப்பட்டன.
இவ்வழக்கு சம்பந்தப்பட்ட ஏனைய சாட்சியங்களைப் பதிவு செய்வதை 22 ஆம் திகதி வரை ஒத்திவைத்த பதில் நீதவான், அன்றைய தினம் சிறுமியின் தாயாரிடமிருந்து மேலதிக சாட்சியங்களைப் பதிவு செய்யவுள்ளார் எனத் தெரிவிக்கப்பட்டுள்ளது.
