நானுஓயா விபத்தில் காயமடைந்த மாணவர்களுக்கு தேவையான அனைத்து உதவிகளையும் வழங்குமாறும், தேவையேற்படின் விமானம் மூலம் கொழும்புக்கு அழைத்து வருமாறும் ஜனாதிபதி ரணில் விக்ரமசிங்க உரிய அதிகாரிகளுக்கு பணிப்புரை விடுத்துள்ளார்.
முழுமையான செய்தி –
நானுஓயா – ரதெல்ல வீதியில் பஸ் ஒன்றும் வேன் மற்றும் ஆட்டோ ஆகியன விபத்துக்குள்ளானதில் 7 பேர் உயிரிழந்துள்ளதுடன் பலர் காயமடைந்துள்ளதாக பொலிஸார் தெரிவித்துள்ளனர்.
இந்தச் சம்பவத்தில் பஸ்ஸில் பயணித்த மாணவர்களில் காயமடைந்தோர் வைத்தியசாலையில் அனுமதிக்கப்பட்டுள்ளனர்.
விபத்தில் உயிரிழந்தவர்கள் 6 பேர் வேனில் பயணித்தவர்கள் என்றும் மற்றொருவர் ஆட்டோ சாரதி எனவும் பிந்திய தவகல்கள் தெரிவித்துள்ளன.
கொழும்பு தேர்ஸ்டன் பாடசாலை மாணவர்கள் குழுவொன்று வருடாந்த கல்விச் சுற்றுலா சென்றிருந்தபோதே இந்தச் சம்பவம் இடம்பெற்றுள்ளது.
தற்போது காயமடைந்தவர்கள் நுவரெலியா வைத்தியசாலைக்கு கொண்டு வரப்பட்டு அவர்களுக்கு தேவையான சிகிச்சைகளை விரைவில் வழங்குவதற்கு ஏற்பாடுகள் செய்யப்பட்டுள்ளதாக நுவரெலியா வைத்தியசாலையின் பணிப்பாளர் மகேந்திர சேனவிரத்ன தெரிவித்துள்ளார்.
