2027 வரவு – செலவுத் திட்டம்; இரண்டாம் நாள் விவாதம் இன்று!

2027 வரவு செலவுத் திட்டத்தின் இரண்டாம் வாசிப்பு மீதான இரண்டாம் நாள் விவாதம் இன்று (14) பாராளுமன்றத்தில் நடைபெறவுள்ளதுடன், சபை நடவடிக்கைகள் காலை 9.30க்கு ஆரம்பமாகவுள்ளன.

 

நிதியமைச்சர் என்ற ரீதியில் ஜனாதிபதி அநுரகுமார திசாநாயக்க, வரவு செலவுத் திட்டம் என அழைக்கப்படும் 2027ஆம் ஆண்டிற்கான ஒதுக்கீட்டுச் சட்டமூலத்தின் இரண்டாம் வாசிப்பை கடந்த வியாழக்கிழமை (12) சமர்ப்பித்திருந்தார்.

 

2027ஆம் ஆண்டிற்கான வரவு செலவுத் திட்டப் பற்றாக்குறை 1.753 டிரில்லியன் ரூபாவாக இருக்கும் என அரசாங்கம் கணித்துள்ளதுடன், இது மொத்த உள்நாட்டு உற்பத்தியில் (GDP) 4.5 சதவீதத்திற்குச் சமமாகும்.

 

தேசிய மக்கள் சக்தி (NPP) தலைமையிலான அரசாங்கத்தினால் சமர்ப்பிக்கப்பட்ட மூன்றாவது வரவு செலவுத் திட்டமும், இலங்கை வரலாற்றில் 81ஆவது வரவு செலவுத் திட்டமுமான 2027 வரவு செலவுத் திட்டத்தில், 2026ஆம் ஆண்டின் திருத்தப்பட்ட மதிப்பீடான 7.309 டிரில்லியன் ரூபாவுடன் ஒப்பிடுகையில், அரசாங்கத்தின் மொத்தச் செலவினம் 7.933 டிரில்லியன் ரூபாவாக மதிப்பிடப்பட்டுள்ளது.

 

2027 வரவு செலவுத் திட்டத்தின் இரண்டாம் வாசிப்பு மீதான விவாதம் நவம்பர் 20ஆம் திகதி வரை தொடரவுள்ளதுடன், அன்றைய தினம் மாலை 6 மணிக்கு வாக்கெடுப்பு நடைபெறவுள்ளது.

 

இதனை தொடர்ந்து குழுநிலை விவாதம் (மூன்றாம் வாசிப்பு) நவம்பர் 21ஆம் திகதி முதல் டிசம்பர் 14ஆம் திகதி வரை நடைபெறவுள்ள அதேவேளை, மூன்றாம் வாசிப்பு மீதான இறுதி வாக்கெடுப்பு டிசம்பர் 14ஆம் திகதி நடைபெறவுள்ளமை குறிப்பிடத்தக்கது.

 

LEAVE A REPLY

Please enter your comment!
Please enter your name here

More like this

இராஜாங்கனே சத்தாரதன கைது

பிக்கு நிலையிலிருந்து விலக்கப்பட்டுள்ள இராஜங்கனே சத்தாரதன உள்ளிட்ட இருவர் அனுராதபுரம் பொலிஸாரால் கைதுசெய்யப்பட்டுள்ளனர்.   அனுராதபுரம் - ருவன்வெலிசாய விகாரை வளாகத்தில் அண்மையில் ஏற்பட்ட மோதல்கள்...

ஞானசாரவுக்கான 4 வருட சிறைத்தண்டனையை மேன்முறையீட்டு நீதிமன்றம் உறுதிசெய்தது

இஸ்லாம் மதத்திற்கு அவதூறு விளைவித்த குற்றச்சாட்டில் கலகொட அத்தே ஞானசார தேரருக்குக் கொழும்பு மேல்நீதிமன்றத்தால் விதிக்கப்பட்ட 4 வருட கடூழியச் சிறைத்தண்டனையை மேன்முறையீட்டு...