இலங்கையின் ஆடை ஏற்றுமதி வருமானம் 2022 ஜனவரியில் 487.6 மில்லியன் அமெரிக்க டொலர்களாக அதிகரித்துள்ளது, இது தொற்றுநோய்க்கு முன்னர் 2019 ஜனவரியில் பதிவு செய்யப்பட்ட 452 மில்லியன் அமெரிக்க டொலர்களை 8%ஆல் அதிகரித்துள்ளது. இதன்படி ஜனவரி 2021 ஏற்றுமதி வருவாய் 23% அதிகரிப்பாகும்.
குறிப்பிடத்தக்க குழப்பகரமான சூழ்நிலைகளுக்கு மத்தியில், இந்த வலுவான செயல்திறன் இலங்கையின் ஆடைத் தொழிற்துறையின் பின்னடைவுக்கு சான்றாகும், மேலும் 2025ஆம் ஆண்டிற்கான அதன் இலக்குகளை அடைவதற்கான தொழில்துறையின் முன்னேற்றத்திற்கு இது நல்லதொரு சான்றாகும் என, ஒன்றிணைந்த ஆடை சங்கங்களின் மன்றத்தின் (JAAF) செயலாளர் நாயகம் யொஹான் லோரன்ஸ் தெரிவித்தார்.
தொழில்துறையின் 2030 தொலைநோக்கு அந்த வருடத்திற்குள் இலங்கையை உலகளாவிய ஆடை மையமாக மாற்றுவது; 2025ஆம் ஆண்டிற்குள் ஆடையிலிருந்து வருடாந்த ஏற்றுமதி வருவாயை 8 பில்லியன் அமெரிக்க டொலர்களாக அதிகரிப்பதே இடைநிலை இலக்காகும்.
அனைத்து முக்கிய பங்குதாரர்களுக்கிடையிலான நெருக்கமான ஒத்துழைப்பின் மூலம், தேசியப் பொருளாதாரத்தில் ஏற்கனவே உள்ள வலுவான பங்களிப்பை, அந்நியச் செலாவணி மற்றும் உயர்தர வேலைவாய்ப்பின் முக்கிய உற்பத்தியாளராக, ஆடைத் தொழில்துறை மேலும் அதிகரிக்க முடியும் என லோரன்ஸ் மேலும் கூறினார்.
தொழில்துறையின் ஜனவரி 2022 செயல்திறன், ஊழியர்களிடையே தொற்றுநோய் பரவுவதை நன்றாகக் குறைக்க, சுகாதார அதிகாரிகளுடன் நெருக்கமான ஒத்துழைப்புடன், துறையால் பின்பற்றப்பட்ட கடுமையான பாதுகாப்பு நடவடிக்கைகளின் வெற்றியைப் பிரதிபலிக்கிறது. மேலும், தேசிய தடுப்பூசி செயற்பாட்டுடன், இலங்கையின் ஆடைத் துறையில் 65% ஊழியர்கள் இப்போது இரு தடுப்பூசிகள் மற்றும் பூஸ்டர் ஆகிய இரண்டையும் பெற்றுள்ளனர், அதே நேரத்தில் 95% ஊழியர்கள் குறைந்தது இரண்டு தடுப்பூசிகளையும் பெற்றுள்ளனர். Omicron தொற்று இலங்கைக்கு வருவதற்கு முன்னரே, ஆடை ஏற்றுமதியாளர்கள் கூடுதலான பாதுகாப்பு நடவடிக்கைகளை முன்னெடுத்தனர்.
பாதுகாப்பு மற்றும் சுகாதார நெறிமுறைகளை தொடர்ந்து கடுமையாக பின்பற்றுவதன் மூலம், துறை ஊழியர்களின் ஆரோக்கியம் மற்றும் பாதுகாப்பை உறுதிசெய்வது எங்களின் முதன்மையான முன்னுரிமையாக உள்ளது என Lanka Garments (Pvt) Ltdஇன் முகாமைத்துவப் பணிப்பாளர் Saif Jafferjee கூறினார். இந்த அணுகுமுறை தொழில்துறையின் பின்னடைவை நிலைநிறுத்தியுள்ளது மற்றும் COVID-19இன் எதிர்மறையான தாக்கத்தை குறைத்துள்ளது, அதே நேரத்தில் வர்த்தகத்தின் தொடர்ச்சியான செயற்பாட்டை உறுதி செய்கிறது, இதனால் ஆயிரக்கணக்கான குடும்பங்களின் வாழ்வாதாரங்கள் மற்றும் வருமான ஆதாரங்கள் பாதுகாக்கப்படுகின்றன.
விநியோகச் சங்கிலியின் சீர்குலைவுகளைத் தணிக்க உதவிய டிஜிட்டல் தயாரிப்பு மேம்பாடு தொழில்நுட்பத்தை ஏற்றுக்கொள்வது போன்ற நடவடிக்கைகளின் வெற்றியையும் சமீபத்திய செயல்திறன் பிரதிபலிக்கிறது. பெரிய நிறுவனங்களும் சிறிய நிறுவனங்களுக்கு ஆதரவளித்தன, ஏற்றுமதி ஆர்டர் அவசரத்தை சந்திப்பதில் அவர்களுடன் ஒத்துழைத்தமை குறிப்பிடத்தக்கது.
ஜனவரியின் ஈர்க்கக்கூடிய செயல்திறன் வாங்குபவர்களிடமிருந்து வலுவான தேவை மற்றும் எதிர்வரும் மாதங்களுக்கு ஆர்டர்களின் சிறந்த நடவடிக்கை ஆகியவற்றால் சாத்தியமானது, இது நம்பிக்கைக்கு அடிப்படையாகும் என ஜஃபர்ஜி மேலும் கூறினார். ஐரோப்பாவில் அதிகரித்து வரும் பதட்ட நிலைமைகளைக் கருத்தில் கொண்டு, சர்வதேசக் கண்ணோட்டம் சவாலாகவே உள்ளது.
