வங்காள விரிகுடாவில் உருவாகும் புயல் – கடற்றொழிலாளர்களுக்கு அவசர எச்சரிக்கை!

வங்காள விரிகுடாவின் தென்கிழக்குப் பகுதியில் உருவான காற்றழுத்தத் தாழ்வு மண்டலம் தீவிரமடைந்து புயலாக மாறுவதற்கான வாய்ப்புள்ளதாக வளிமண்டலவியல் திணைக்களம் எச்சரிக்கை விடுத்துள்ளது.

 

இலங்கைக்கு வடகிழக்கே நிலைகொண்டுள்ள இந்தத் தொகுதி, இன்று 16ஆம் திகதி மாலை புயலாகவும், நவம்பர் 17ஆம் திகதியளவில் தீவிரப் புயலாகவும் வலுப்பெறக்கூடும் என எதிர்வுகூறப்பட்டுள்ளது.

 

கடல் நடவடிக்கைகளுக்குத் தடை

 

இதன் காரணமாக, பின்வரும் கடற்பகுதிகளில் மறு அறிவித்தல் வரை மீன்பிடி மற்றும் கடற்பயண நடவடிக்கைகளில் ஈடுபட வேண்டாம் என அறிவுறுத்தப்பட்டுள்ளது.

 

 

* காங்கேசன்துறையிலிருந்து திருகோணமலை ஊடாக பொத்துவில், அம்பாந்தோட்டை வரையான கடற்பகுதிகள்.

 

* வடக்கு அட்சரேகை 05° – 15° மற்றும் கிழக்கு தீர்க்கரேகை 80° – 90° இடைப்பட்ட ஆழ்கடல் பகுதிகள்.

 

குறித்த கடற்பகுதிகளில் ஏற்கனவே பயணிக்கும் மீன்பிடி மற்றும் கடற்படையினர் பாதுகாப்பான இடங்களை நோக்கி நகருமாறும் அறிவுறுத்தப்பட்டுள்ளனர்.

 

புயலின் எதிர்பார்க்கப்படும் வளர்ச்சி

 

* நவம்பர் 16 மாலை – புயலாக வலுப்பெறலாம்.

 

* நவம்பர் 17 இரவு – தீவிரப் புயலாக மாறலாம்.

 

* நவம்பர் 19 காலை – மிகத் தீவிரப் புயலாக வலுப்பெற வாய்ப்பு.

 

வளிமண்டலவியல் திணைக்களம் வெளியிடும் அடுத்தடுத்த வானிலை அறிவிப்புகள் மற்றும் முன்னெச்சரிக்கைகளை அவதானிக்குமாறு கடற்றொழிலாளர்களிடம் கோரிக்கை விடுக்கப்பட்டுள்ளது.

LEAVE A REPLY

Please enter your comment!
Please enter your name here

More like this

இராஜாங்கனே சத்தாரதன கைது

பிக்கு நிலையிலிருந்து விலக்கப்பட்டுள்ள இராஜங்கனே சத்தாரதன உள்ளிட்ட இருவர் அனுராதபுரம் பொலிஸாரால் கைதுசெய்யப்பட்டுள்ளனர்.   அனுராதபுரம் - ருவன்வெலிசாய விகாரை வளாகத்தில் அண்மையில் ஏற்பட்ட மோதல்கள்...

ஞானசாரவுக்கான 4 வருட சிறைத்தண்டனையை மேன்முறையீட்டு நீதிமன்றம் உறுதிசெய்தது

இஸ்லாம் மதத்திற்கு அவதூறு விளைவித்த குற்றச்சாட்டில் கலகொட அத்தே ஞானசார தேரருக்குக் கொழும்பு மேல்நீதிமன்றத்தால் விதிக்கப்பட்ட 4 வருட கடூழியச் சிறைத்தண்டனையை மேன்முறையீட்டு...