கடந்த சில மணித்தியாலங்களாக மகாவலி கங்கையின் நீர்ப்பிடிப்புப் பகுதிகளில் பெய்த பலத்த மழை காரணமாக, பஸ்பாகே கோரள (Pasbage Korale) பிரதேச செயலாளர் பிரிவுக்கு உட்பட்ட மகாவலி கங்கையை அண்மித்த தாழ்நிலப் பகுதிகளில் சிறு வெள்ளப்பெருக்கு அபாயம் ஏற்பட்டுள்ளதாக எச்சரிக்கப்பட்டுள்ளது.
இந்த நிலைமையைக் கருத்திற்கொண்டு, குறித்த பகுதிகளில் வசிக்கும் பொதுமக்களும், அந்தப் பகுதி ஊடாகச் செல்லும் வீதிப் போக்குவரத்தில் ஈடுபடும் சாரதிகளும் மிகவும் அவதானமாக இருக்குமாறு நீர்ப்பாசன திணைக்களம் கோரியுள்ளது.
மேலும், இந்த பகுதிகளில் மகாவலி கங்கைக்கு அருகில் வசிக்கும் பொதுமக்கள் தொடர்ந்தும் மிகுந்த விழிப்புணர்வுடன் இருக்குமாறும், சாத்தியமான வெள்ள அபாயத்திலிருந்து தங்களைப் பாதுகாத்துக் கொள்வதற்கான முன்னெச்சரிக்கை நடவடிக்கைகளை எடுக்குமாறும் அறிவுறுத்தப்பட்டுள்ளனர்
