சீரற்ற வானிலை 3000க்கும் மேற்பட்டோர் பாதிப்பு

நிலவிய சீரற்ற வானிலை காரணமாக 15 மாவட்டங்களைச் சேர்ந்த 104 பிரதேச செயலகப் பிரிவுகள் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் (DMC) தெரிவித்துள்ளது.

 

கடந்த 19 ஆம் திகதி முதல் இன்று (27) காலை 6.00 மணி வரையிலான காலப்பகுதியில் குறித்த பிரதேச செயலகப் பிரிவுகளில் 943 குடும்பங்களைச் சேர்ந்த 3,495 பேர் சீரற்ற வானிலையால் பாதிக்கப்பட்டுள்ளதாக அந்நிலையம் குறிப்பிட்டுள்ளது.

 

அத்துடன், இந்தச் சூழ்நிலையினால் 03 மரணங்கள் பதிவாகியுள்ளதுடன், 05 பேர் காயமடைந்துள்ளதுடன், ஒருவர் காணாமற்போயுள்ளதாகவும் தகவல்கள் கிடைத்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

 

மேலும், சீரற்ற வானிலையால் 02 வீடுகள் முழுமையாகவும் 448 வீடுகள் பகுதியளவிலும் சேதமடைந்துள்ளதாக அந்நிலையம் சுட்டிக்காட்டியுள்ளது.

 

அத்துடன், 05 பாதுகாப்பு மையங்களில் 36 குடும்பங்களைச் சேர்ந்த 124 பேர் தங்கவைக்கப்பட்டுள்ளனர்.

 

நிலவிய பலத்த மழை காரணமாகக் கண்டி மாவட்டத்திலேயே அதிகளவிலான பாதிப்புகள் பதிவாகியுள்ளதுடன், அம்மாவட்டத்தில் 782 பேர் பாதிக்கப்பட்டுள்ளனர்.

 

இதற்கு மேலதிகமாக, இரத்தினபுரி மாவட்டத்தில் 688 பேரும், கம்பஹா மாவட்டத்தில் 473 பேரும், மாத்தறையில் 383 பேரும், புத்தளத்தில் 310 பேரும், கேகாலையில் 224 பேரும் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் வெளியிட்டுள்ள அறிக்கையில் தெரிவிக்கப்பட்டுள்ளது.

 

 

LEAVE A REPLY

Please enter your comment!
Please enter your name here

More like this

மவ் ஆற நீர்த்தேக்கத்தின் வான்கதவுகள் திறப்பு: தாழ்வான பகுதி மக்களுக்கு எச்சரிக்கை

மவ் ஆற நீர்த்தேக்கத்தின் வான்கதவுகள் திறக்கப்பட்டுள்ளதால் வளவை கங்கைப் படுகைக்கு தற்போது வினாடிக்கு 1500 கன அடிக்கும் அதிகமான நீர் வெளியேற்றப்பட்டு வருவதாக...

கடுவலை தீ பரவலில் ஒரே குடும்பத்தைச் சேர்ந்த நால்வர் உயிரிழப்பு

கடுவலை நகரில் அமைந்துள்ள மின்சாதன உபகரண விற்பனை நிலையமொன்றில் இன்று (19) காலை ஏற்பட்ட தீ பரவலில் ஒரே குடும்பத்தைச் சேர்ந்த நால்வர்...