தங்காலையில் 3 கிலோ ஹெரோயினுடன் 18 வயது இளைஞர் கைது

தங்காலை, பலபொத கிழக்குப் பகுதியில் உள்ள வீடு ஒன்றில் மேற்கொள்ளப்பட்ட சோதனையில், சுமார் 3 கிலோகிராம் ஹெரோயின் போதைப்பொருளுடன் 18 வயது இளைஞர் ஒருவர் கைது செய்யப்பட்டுள்ளார்.

 

பேலியகொட வடக்கு குற்றப்பிரிவு பொலிஸாருக்குக் கிடைத்த இரகசியத் தகவலின் அடிப்படையில் மேற்கொள்ளப்பட்ட இந்தச் சோதனையின் போது, முதற்கட்டமாக அந்த இளைஞரிடமிருந்து 2,300 மில்லிகிராம் ஹெரோயின் பறிமுதல் செய்யப்பட்டது.

 

கைது செய்யப்பட்ட இளைஞரிடம் நடத்தப்பட்ட தீவிர விசாரணையில், இந்த போதைப்பொருளைத் தனது 29 வயதுடைய சகோதரரே வழங்கியதாகவும், அவரிடம் மேலும் போதைப்பொருள் உள்ளதாகவும் தெரியவந்தது.

 

இதனைத் தொடர்ந்து, பலபொத – யாயவத்த பகுதியில் உள்ள அந்தச் சகோதரரின் வீட்டைப் பொலிஸார் சோதனையிட்டனர்.

 

பொலிஸார் வருவதையறிந்து சந்தேகநபரான சகோதரன் தப்பி ஓடிவிட்ட நிலையில், வீட்டின் பின்புறம் மறைத்து வைக்கப்பட்டிருந்த 2 கிலோ 842 கிராம் எடையுள்ள ஹெரோயின் பொதயை பொலிஸார் கைப்பற்றினர்.

 

கடலில் மிதந்து வந்தபோது இந்த போதைப்பொருள் பொதி தனது சகோதரருக்குக் கிடைத்ததாகக் கைது செய்யப்பட்ட இளைஞர் பொலிஸாரிடம் வாக்குமூலம் அளித்துள்ளார்.

 

தப்பிச் சென்ற 29 வயது சந்தேகநபரைக் கைது செய்யப் பொலிஸார் தீவிர விசாரணை மேற்கொண்டு வருகின்றனர்.

LEAVE A REPLY

Please enter your comment!
Please enter your name here

More like this

மவ் ஆற நீர்த்தேக்கத்தின் வான்கதவுகள் திறப்பு: தாழ்வான பகுதி மக்களுக்கு எச்சரிக்கை

மவ் ஆற நீர்த்தேக்கத்தின் வான்கதவுகள் திறக்கப்பட்டுள்ளதால் வளவை கங்கைப் படுகைக்கு தற்போது வினாடிக்கு 1500 கன அடிக்கும் அதிகமான நீர் வெளியேற்றப்பட்டு வருவதாக...

கடுவலை தீ பரவலில் ஒரே குடும்பத்தைச் சேர்ந்த நால்வர் உயிரிழப்பு

கடுவலை நகரில் அமைந்துள்ள மின்சாதன உபகரண விற்பனை நிலையமொன்றில் இன்று (19) காலை ஏற்பட்ட தீ பரவலில் ஒரே குடும்பத்தைச் சேர்ந்த நால்வர்...